利物浦追打落水狗熱刺

猪拉多纳

15/05/2011
文： Kit

呢幾周一直推介利物浦，相信大家生活應該過得幾好。杜格利殊最近同副手奇勒與「紅軍」續約3年，各位利迷安樂晒。相反熱刺嘅夏利列納成日傳出會接手國家隊，如今歐聯夢碎、歐霸席位亦危危乎，夏利叔會唔會乘勢跳船？今晚一戰，對熱刺同利物浦未來發展同樣重要，絕對係呢個季尾含金量最重嘅賽事。小妹續撐「紅軍」贏到尾！（有線201及301、廣東體育周日晚11:00直播）


搶奪歐霸入場券


依家形勢好簡單，只要利物浦贏波就可以穩奪第5，反之熱刺贏波就會重奪主動權，但要熱刺作客晏菲路贏波談何容易？呢兩隊波好得意，往往喺各自主場食住對方，呢條攤路亦持續咗3季，而且自英超成立後，熱刺响聯賽作客晏菲路只贏過1次，往績上「紅軍」佔先。


對賽旺主隊一方


至於近況，「紅軍」狀態絕對在熱刺之上，尤其係麥斯洛迪古斯腳風頗順，蘇亞雷斯搭古積特呢對拍檔鋒力強大，加上安祖卡路爾同魯爾梅利斯亦傷愈候命。相反，熱刺就有今季表現神勇嘅加里夫巴利提早收咧，大大影響側擊能力。




事實上，熱刺呢幾個月要兼顧歐聯、聯賽兩條戰線似乎壓力過大，近10仗聯賽僅得1勝，長追對家應有唔少斬獲。記得上周中作客曼城一仗，雖然眼見熱刺早段控球在腳較多，可惜攻勢毫無威脅、僅屬隔靴搔癢，睇得出班球員有心無力，信心盡失。如今先敗曼城、再敗利物浦絕不出奇，一於齊打落水狗，撐紅軍再踢歐霸！


「勁加勁」養精蓄銳有計.


馬仔心水第5場「勁加勁」，上場喺步速不利之下後追入Q，今次相隔2個月再出，期間大閘拍跳做齊，反映練馬師落足心機耐性，目標直指今仗！熱門配腳敲「利駿」，半冷配腳要「奪錶」，近期逐漸適應香港，前一場贏完上班，閃住嚟跑都入Q，今仗縮番嚟跑一哩肯定更啱發揮！


Kit推介


利物浦

主勝

有線球彩台主持KIT‧

電郵：soccer64@cabletv.com.hk‧

球彩群組：http://fb.com/icable64‧

PHONE波熱線：1831 678‧

周日晚11:00至周一凌晨0:00