川崎變出禍撐鹿角

猪拉多纳

15/05/2011
文： 吉拿甸奴

變，唔一定好囉！川崎前鋒今日喺日職主場對鹿島鹿角，平手都撐唔落，上季前鋒喺聯賽得第5名，高層選擇辭退教練高畠勉，連續兩年換教頭，但新教練相馬直樹上任前只係教JFL球隊，完全冇日職執教經驗，而且將喪攻嘅前鋒變成唔識攻，搞到球員唔習慣，近4場得1勝3負可以話弱勢已成，捧鹿角穩陣啲。




上季前鋒已有射手鄭大世同連拿天奴離隊，估唔到相馬直樹今季連進攻中場域陀祖利亞同喪攻右閘森勇介都放棄埋，結果大家睇到啦！加上中場稻本潤一同門將杉山力裕養傷，唔似惡得出樣。另外，鹿角正值3連勝，期間每場入2球，今場仲有射手興梠慎三喺亞冠盃停賽後復出，平手玩得過。　




鹿島鹿角




（平手）