馬賽夠團結抵撐

猪拉多纳

15/05/2011
文： Katie

潮流興團購，只要買家愈多，賣家就愈肯讓步作薄利多銷，達致雙贏局面，能夠以優惠價買到心頭好，就係團購嘅最大優點。本身係波衫狂迷嘅Katie，以往玩團購訂波衫無非想搵多啲人Share郵費，但今時今日嘅年輕人就走火入魔，係唔係都團購一餐，我就奉勸各位團購粉絲扑錘前記住三思，否則後果真係不堪設想！




就以Katie身邊嘅朋友為例吖，佢哋成日貪平、貪抵，團購啲唔等使嘅餐廳同美容Coupon，未用就買定先，即係先使未來錢啫！最敗家係佢哋根本用唔着呢啲優惠，結果就睇住一張又一張嘅Coupon過晒期變廢紙。Katie有個Friend每個月閒閒哋使成皮嘢玩團購，最近爭落周身卡數終於知驚，可惜後悔已經太遲，張卡卒之畀佢Daddy沒收咗。


羅連安特冇態勁失分


講番今晚啲波，衞冕嘅馬賽唔想後悔嘅話，今晚一定要砌低羅連安特保住爭標希望，馬賽目前落後「一哥」里爾4分，教練迪甘斯同前鋒雷米都話唔會放棄，目標係贏晒餘下3輪聯賽，鬥志唔使懷疑。




好波之人路爾斯干沙利斯近仗表現回勇，就連隊友伊度亞度施斯都讚佢係陣中靈魂，唔少球迷仲拉橫額力勸呢位阿根廷中場繼續留效添，全隊上下都咁團結，造訪近11場聯賽有9場失分嘅羅連安特應該W得，捧2倍客勝。（now634台周一凌晨3:00直播）


微博傳情@Katie


好多朋友都會問Katie，點解我個樣咁後生、咁童顏？女人唔補好易老，除咗做Facial之外，我每日都會歎個鮮奶燉燕窩，好滋補養顏！




一頭短髮係咪好爽呢？大家唔使驚住，我只係用iPhone App試吓新造型啫，把頭髮跟咗我十幾廿年，我又點捨得剪到咁短吖！^^

睇波行街Guide

Katie不嬲都有儲開球員Figure，最近上淘寶仲搵到好多山寨版添，十幾蚊一隻真係好抵，大家睇吓呢個艾沙維，個樣係咪同真人一樣咁傻呢？哈哈！

OK推介

馬賽客勝

Katie資多啲

出生日期：12月23日

現職：學生+模特兒

學歷：大學（英文系）

嗜好：睇小說、打Golf、唱歌