千鈞萬馬：揀得正後勁驚人

港陌

　　推介第五口孖寶，頭關四班1200米，「大旋風」大前仗於田草1600米入Q，該場頭馬「快利多」剛戰已再上名，季軍「財運」更已征服三班賽，賽績夠硬淨，續爭強項改排內檔可言勝。「萬事綵」四戰三班賽全部三甲不入，回師四班賽應較具把握，排一檔起步亦是利好條件，有力一爭。

　　尾關四班1650米，「劍鋒」打叠三仗在同程入Q，現評分有優勢，跑法主動之馬抽得一檔起步，必會把握機會，坐位望贏。

　　「及時雨」前仗贏同程跑來有前有後，上仗一度大力搶口兼動作失平衡才敗，再爭贏馬途程可施回馬槍。

　　另外推介第七口孖寶，頭關三班1650米，「揀得正」上仗在同程贏馬，末段造出全場最快的22.61秒，後勁絕不簡單，蹄下敗將「四季」再出已補中，反映賽事級數高，連捷可期。「心中有程」連續兩仗跑得好，上仗跑第三彈甩「勁飛馳」、「火箭動力」及「威利嘉」，後三駒已悉數奏捷，捲土重來難小覷。

　　尾關三班1200米，「光輝出擊」前仗在同程爆大冷，沿途走外叠蝕位照贏，絕非靠形勢造就，回氣一場後隨時再出擊。「精靈勇駿」連贏兩仗氣勢盛，睇上場贏馬姿態居三班亦不會吃虧，要防。

耀鈞