上浦駿將威哥登高睇真啲

港陌

剛戰杜利萊開跑前為騎師王大熱門，雖然最終未能封王，惟全日共獲一冠兩亞一季佳績，總算一洗四次賽事食白果的頹風。明晚跑法國賽馬會盃，六大倉主應景力撐此位法將，其中呂健威安排「上浦駿將」予阿萊操刀，昨晨此路人馬立即有緊張鏡頭。七時十五分「上浦駿將」由杜利萊在大圈作最後試跑時，一向在烽火台地下督操的威哥竟然剩下一張「吉」椅，原來練者特意走上頂樓睇操，務求居高臨下睇真啲，儘管被在場攝記識破，威哥仍要睇勻全程操練始肯放下望遠鏡，動態甚積極，「上浦駿將」再「萊」出擊乎？