棟悉先機:大旋風 靚位殺到嚟

魑魅魍魉

　　今晚快活谷B欄，跑法主唔主動？排檔好唔好？對於馬匹發揮有好大影響，阿棟一向嘅宗旨係寧願食少餐！就算幾鍾意1匹馬都好，如果上述兩項條件唔符合，情願齋睇唔買，或者買平時一半嘅注碼就算，因為賽道偏差，尤其到了季尾，有時真係幾嚴重。

　　第五場四班1200米。「大旋風」前仗開始重戴眼罩，意味着來到季尾又有番鬥志，輸完1場唔啱腳法嘅泥地，再輸多場今賽同程，應該趕走一啲客仔，但正正係入貨時機，望望獨贏賠率，隔夜6、7倍，啱博！其實上場同程唔上名，好大程度係劣檔關係，今次4檔起步，唔會再咁蝕，九成九用守好位跑法，威力肯定比留埋衝一段勁得多。

　　第六場四班1650米。「追月」自從08年年尾一出即勝之後，唔經唔覺已有兩季多未贏過，係咪上手馬房問題，唔係要討論嘅地方，事關在蘇廐時，演出幾準，只係贏唔到。由於轉了去方廐，珠玉在前，看過「聚有盈」直落3W，真係脫胎換骨，「追月」在三班都夠跑，落到四班咪識飛咁滯　！　所以，我對呢匹馬好有期待。

華倫天奴上仗有水準

　　第七場三班1650米。「華倫天奴」上場初上一哩可入位，賽績的確有水準，雖然輸嘅距離唔係小，被頭馬「四季」拋開個幾身位，要知道，第二名係「漸信良駒」，1匹長期唔甩前幾名之馬，能緊隨過終點，算叻啦！好明顯今場對手弱過上場，只要做妥留放，仍是爭勝要角。

點買法

　　由於檔位及跑法乃大前提，「大旋風」及「追月」比較啱心水，獨贏過關就要呢兩匹。至於重心Q場合，揀第六場，「追月」做膽，腳拖;、(、§、/，當中有冷有熱。

陳華楝