雷勁論戰：當旺轉場可補中

魑魅魍魉

　　出爭頭場五班1200米的「好願景」，上仗轉摩廐後初出跑泥地1200米，雖然負頂磅角逐，仍能快放跑入一席第二，足見有好大進步。今次轉爭谷草1200米，應更合其腳法，居五班有超卓感之馬，今戰對手不強，應可贏馬交代。

好願景馬口教好

　　馬房中人透露，「好願景」速度不慢，近期馬口已教好，陣上可放可留，排在三檔起步易取位，即使稍留亦可交出威力，憑當起之銳可望打開勝門。對手方面，方廐「小鬥士」亦要留意，此駒有降班之利，路程亦合腳法，只嫌負磅重多少，但交由柏寶操刀，戰意明朗，有威脅。「穩操勝算」近期狀態復勇，但排在外檔較難發揮，只宜作配。「齊齊掂」老馬仍有兩腳，亦有機會爭入一席。

　　另外，方廐今戰亦有多匹惡馬列陣，其中出爭第五場四班1200米的「當旺」便極具留意價值，近兩仗在田草1200米取得一冠一亞，六歲馬狀態回勇。上仗在田草1200米跑第二，僅以個多馬位輸給質素甚高的「快樂無窮」，實在非戰之罪；今仗轉來谷草上陣，改配何澤堯減磅，明顯想趁馬勇贏回一仗，值得睇好。

　　姚本輝馬房方面，有消息謂出爭第八場三班1200米的「橫掃千軍」要吼實。此駒季內曾在同程僅以頭位之微不敵「六六精英」得第二，早已顯示出有一定實力，近期經過重新打磨之後，狀態漸回勇，今次回師強項路程，用杜利萊操刀正是合適人選，應有爭雄之力。

　　同場對手之中，要留意葉楚航馬房的「佳同」，此駒亦是質新當勇之馬，近兩仗取得一冠一亞，表現穩定，只是排外檔起步較為吃虧多少，但配腳一席則必須兼顧。