精靈勇駿輕磅弗爆

魑魅魍魉

法國賽馬會盃只舉行過兩屆，均由賴維銘勝出，上季同日騎者更大演帽子戲法，乃從騎生涯首次。今年賴仔策「精靈勇駿」爭標，坐騎挾兩連勝佳績而臨，大可助鞍上人重溫美夢。
       
精靈勇駿近兩仗跑谷草一千米均勝，且愈贏愈易。

賴維銘：若非健康狀況曾受挫折，以「精靈勇駿」的質素，早已扶搖直上。幸好經過師傅的悉心料理，此駒呼吸毛病總算穩定下來，近期加眼罩轉爭谷草一千米，兩戰贏來均不費吹灰之力，相信升上三班負輕磅仍具競爭力。查「精靈勇駿」上季初次上陣已於田草千二米跑入位置，相信增程至谷草千二米問題不大，目前狀態大勇，有權取得三連捷。
       
佳同換安國倫夠鍊

葉楚航：「佳同」前仗初跑谷草千二米順利打開勝門，馬兒現階段似乎未養成足夠氣量於千四米爭勝，因此集中於此程攻堅。剛戰原以為牠大有機會再贏，奈何不敵突如其來的「光輝出擊」。今次鞍上人雖由柏寶改為安國倫，但後者騎功不差，傷愈復出後依然勇猛，應不會影響發揮。
       
賴維銘上季策桃李滿門贏法國賽馬會盃，同日更連中三元。
橫掃千軍晨操出色

姚本輝：「橫掃千軍」進度算來得理想，在港第三次出賽已於谷草千二米拚入亞席，可惜牠之後不斷受制於劣檔，陣上亦屢遇強手，故此至今仍未打開勝門。今次回師牠唯一上名途程，且較當時孭少七磅，形勢截然不同，加上牠埋門不論試閘及拍跳走勢皆出色，應可交出好成績。
       
光輝出擊一檔着數

都爾：「光輝出擊」脾性較特別，導致演出失準，上仗牠全程蝕位，且跟守於馬群較後位置，入直路後未能及時加速，結果落敗而回。雖然牠不喜困於馬群內，但今仗只要把握一檔起步的優勢，盡早守住有利位置，末段才拉出望空衝刺，憑班底依然可以於三班有好表現。