天主教大學死火前路崎嶇

猪拉多纳

19/05/2011
文： 牛奶仔

南美自由盃聽朝繼續上演，首回合揸住兩球喺手嘅彭拿路會作客出戰，造訪智利球隊天主教大學。天主教大學近期頹到爆，今仗遇上「作客王」即使有地利亦毫無勝算，寧敲2.2倍「讓球客勝」。（廣東體育周五早上7:00直播）


彭拿路客勝率達86%


天主教大學首回合作客淨吞彭拿路兩蛋，喺攞唔到作客入球下，要反勝晉級機會相當渺茫。不過佢哋班高層講明唔會咁快放棄，預料今仗會一改穩守突擊戰術狂攻對手。不過最怕佢哋只會有心無力，事關天大近期前線死晒火，近3場比賽不勝之餘，仲要衰到只入得2粒咁大把，今場就算拚輸嚟打改變戰術亦難以奏效。




另邊廂嘅烏甲「二哥」彭拿路，依家揸住兩球喺手可謂睇住嚟食，佢哋上場聯賽更刻意留力，等一班主將可以養精蓄銳應付今場賽事。雖然彭拿路要作客鄰國踢波，但作客成績一向唔錯，近7次作客賽事就贏咗6場，勝率高達86%，今次面對火力一般嘅天主教大學相信至少能保不敗，全身而退。