葛度爾古斯爭榜首唔赦班菲特

魑魅魍魉

20/05/2011
文： CombKing

阿King今日重心放在阿甲秋，由於沙士菲上周不敵拉魯斯，葛度爾古斯周六早上只要擊敗班菲特便可過一哥癮，班菲特三連敗狀態差，有主場之助都信唔過，下盤必捧。（周六早上8時10分開賽）


葛度爾古斯作客醒神


葛度爾古斯目前於聯賽榜落後沙士菲一分，由於沙士菲剛打入自由盃四強，未來仲要兼顧兩邊戰線，只要葛度爾古斯發揮應有水準，絕對有權後來追上。葛度爾古斯今季作客成績比主場更佳，七戰四勝兩和一負，為爭標戰意毋須懷疑。




對家班菲特聯賽三連敗，好彩總計近三季平均分，佢哋暫冇降班威脅，故此可以大打風流波，以此狀態讓唔起客軍，下盤抵玩。


紐維爾頹勢明益男生


另一場阿甲秋紐維爾舊生主場鬥男生隊，紐維爾舊生近六場輸五場，就算換咗新教練杜蘭迪都冇計，男生隊聯賽七場不敗，逐漸遠離降班漩渦，信心倍增受讓可取。另一場瑞典超，馬模於聯賽及瑞典盃連贏兩場，狀態回勇，而且佢哋近三次作客赫根全勝，有力反客為主，平手盤捧客軍。