紅軍飛勁發維

猪拉多纳

22/05/2011
文： SAMVO肥叔

英超今晚收咧，十場同一時間開波，場面相當熱鬧，由於嚟緊冇乜波玩，相信好多菠菜人士都會作最後衝刺，預計整體投X額會頗為理想。不過，部分場次盤口開得好辣，好似曼城作客要讓保頓半一至一球，但曼城主強客弱，小心佢哋熱倒！




今次英超煞科戰焦點落喺幾支護級球隊身上，韋斯咸已宣布降班，呢班波本身班底甚高，可惜太遲發力，最終都係返魂乏術，如果佢哋留得住班主力，下季落到英冠仍然值得留意。另外，狼隊長期被睇淡，季尾卻愈戰愈勇，今晚有力贏埋布力般流浪。




講番今次重心推介，阿士東維拉主場對利物浦，捧「紅軍」！利物浦喺杜格利殊帶領下全面回勇，以球隊目前人腳，下季絕對有條件打入前四。「紅軍」上場不敵熱刺演出令人失望，今次必定大打爭氣波，現時作客都要讓波，飛數勁反映莊家對佢哋有信心，要上盤！




（有線302及202台周日晚11時直播）


拉素戰意遠勝萊切


意甲今晚亦煞科，推介萊切主場對拉素，捧客隊！萊切幾經辛苦先完成護級任務，今場只屬例行公事，球員戰意難免鬆懈，未必有心做攔路虎。拉素最後一擊搶歐聯席位，戰意一定好過對手，今場作客都要讓到半一，盤口非常硬淨，值得一試。


肥叔心水


利物浦 上盤

保頓 下盤

黑池 下盤、大盤

伯明翰 下盤

狼隊 上盤

拉素 上盤