波圖三冠尾關冇甩拖

猪拉多纳

22/05/2011
文： 巨高

今屆葡萄牙盃決賽甘馬雷斯對波圖，後者喺少帥保亞斯領導之下已取得葡超及歐霸盃冠軍，贏埋葡萄牙盃就可成為「三冠王」，故爭盃鬥志唔使懷疑。對手甘馬雷斯近幾次對波圖輸多和少，喺里斯本中立場比賽就更難打破不利數據，今場1.78倍波圖「讓球客勝」有信心。 （有線155台周一凌晨零時直播）




由○○至○一年球季計起，波圖曾五度捧走葡萄牙盃，而近兩屆都係由佢哋勝出，話波圖係近代嘅「葡盃專家」絕對冇錯。為求完成「三冠王」目標，教練保亞斯一定精銳盡出，比如頭槌王法卡奧及大隻佬侯克都會如期上陣。兩位南美射手今季分別喺歐霸盃及葡超交出大量入球，攻力絕對有保證。


甘馬雷斯二奶命


甘馬雷斯歷史上曾四度打入葡萄牙盃決賽，無奈四次都係輸波收場，其中八七至八八年球季就係輸畀波圖，數據對甘軍相當不利。要留意甘馬雷斯晉級路途所遇到嘅多數都係低組別球隊，實力最強嗰隊只係科英布拉大學。今場決賽遇到歐洲一級球隊波圖，甘馬雷斯難有運行，以波圖今季強大攻力，應可炒起甘馬雷斯，「讓球客勝」值得捧場。