東北打吡維加泰如有神助

猪拉多纳

22/05/2011
文： 蘇豪

山形山神今午於主場對仙台維加泰，今仗屬地震後首場東北打吡戰，賽事備受各界關注，維加泰於災後愈戰愈勇，聯賽六戰不敗表現硬淨，加上有「打吡男」梁勇基在陣，作客一樣贏得，平手盤值得捧場！




（周日中午12時開賽）


山形山神攻力弱


山形山神及仙台維加泰同樣位處本州東北部，地震發生之初，不少災民由仙台經山形去其他地方避難，今次兩地球會於聯賽碰頭，呢場東北打吡戰確實具有特別意義。兩隊並非日職名氣球隊，以往對戰未有引來太多人關注，但今仗已成本周其中一場矚目對決。




維加泰位處重災區仙台市，災後表現如有神助，現時於聯賽六戰三勝三和保持不敗，一再交出超水準表現。維加泰更擁有「打吡男」梁勇基助陣，此子去季兩戰山神入三球，賽前佢話今場東北打吡戰極具意義，希望可以贏波，所以會施展渾身解數助球隊爭勝。




維加泰續有老牌前鋒柳澤敦受傷休戰，另一箭頭中原貴之剛傷愈冇態，未必有得落場，不過射手赤嶺真吾狀態理想，上場又有士哥，今場仍然有力數胡。另一邊廂山神兩連敗零士哥，包括上周主場對大宮松鼠輸○比一，冇乜反抗能力，即使主場出戰亦難搶分。