高清睇跑馬：贏啲啲轉場謀突破

猪拉多纳

　　「贏啲啲」上季成績優異，12次上陣累積三冠兩亞三季，最厲害是上名路程由1200至1800米。不過，由於上季用得太盡，今季此駒回氣需時，季初一直交不出水準。

　　前仗「贏啲啲」終於重返五班作賽，結果在谷草一哩殺入一席第五，表現有復甦迹象。上仗總場次597，此駒改爭泥地1650米，排二檔起步後，都爾即讓馬兒貼欄居後，大半程守在中後位置，轉直路彎時順勢移出望空，雖然被早着先鞭的「快馬當先」走甩，但末段仍爆出全場第二快的23.26秒入Q，確認重踏正軌。今戰梁定華安排「贏啲啲」轉爭谷草一哩，同樣合發揮，今季尚未交代之馬，必會盡拼。

　　另外，「聚有盈」季中加盟方廐之後，表現有如脫胎換骨，轉倉首仗已在谷草1200米一擊即中；翌仗回升四班同程作賽， 結果造出極快的1分9.95秒再捷，並以三個多馬位拋甩亞軍「辣得喜」。

　　上仗總場次592，「聚有盈」再跑谷草1200米，起步後一直守在內欄第三位，入直路一發力即趕過放頭的「辣得喜」，順利取得三連捷，雖然只贏亞軍「金獅駿將」半個馬位，但其實姿態僅點到即止。周三「聚有盈」再跑強項，四連捷冇難度。


Sam