艾堡洩憤翻炒咸史達斯

猪拉多纳

23/05/2011
文： 麥馬拿仁

今晚兩場瑞典超同時開波，推介艾夫斯堡及佐加頓斯「讓球勝」。艾夫斯堡上仗意外大敗，今返人造草主場必搵「私房菜」咸史達斯出氣，咸史達斯近五次作客艾堡四次大敗，主隊贏親唔只一粒。佐加頓斯於新教練上場後三戰不敗，今晚作客米贊比受讓，有望全身而退贏盤。（周二凌晨1時開賽）


艾夫斯堡連贏四場後，上仗造訪特利堡，竟於下半場七分鐘內連失三粒，最後大敗而回，可以話滿地眼鏡碎。艾堡具實力挑戰聯賽冠軍，吞特利堡三蛋可謂奇恥大辱，今場巧遇榜尾魚腩，咸史達斯整定唔好彩。

佐加頓斯受讓得「米」

咸軍雖連贏兩場，但一場係贏跌Watt嘅米贊比，另一戰係瑞典盃反勝乙組仔卡爾斯達，故佳績不能作準，何況咸軍近季去親艾堡主場都冇運行，近三次分別吞三蛋、四蛋同六蛋，一球都未入過，艾堡今晚必開殺戒。


佐加頓斯經過災難性開季後，高層早前決定搵前加爾斯教練柏臣督師，之後球隊三戰兩勝一和，雖然對手並非勁旅，但佐軍三戰僅失一球，柏臣明顯改善了球隊後防不濟問題。


米贊比連輸三場，上仗對咸史達斯都輸得，今戰讓唔起氣勢如虹嘅佐加頓斯，取「讓球客勝」。