換帥轉勢佐加頓斯得米

猪拉多纳

23/05/2011
文： 朱楓

由於挪超罷賽，今晚就只係得番兩場瑞超，不過一樣都有好心水。正所謂新官上任三把火！佐加頓斯自換上新教練柏臣後，已經保持3場不敗，氣勢強勁，今晚喺瑞超下游大戰作客鋒力平平嘅米贊比，相信可至少保持不敗，開出1.83倍「讓球客勝」！（開賽時間：周二凌晨1:00）


佐加頓斯今季出閘脫腳，開咧後曾經6戰不勝，仲以為今季都要打護級，但自從5月頭換上新教練柏臣後，先喺主場贏咸史達斯2:0開齋，繼而喺瑞典盃贏波晉級，上仗作客加費萊亦成功逼和0:0搶得1分，演出有明顯改善。


雖然呢支瑞超傳統勁旅今場有後防里迪斯停賽，但前鋒奧里莫經已傷愈，可以隨時候命，呢位前鋒喺08年効力加費萊時表現出色，佐加頓斯上下對呢位瑞典新星復出期望都好高，今晚隨時擔當後備殺手都唔定！

米贊比開季8戰僅2勝

上季排第6嘅米贊比，今季喺多名主力離隊後實力大不如前，踢咗8場只係贏過2場咁大把，更只入得5球，平均1場都入唔到1球，只怪球隊踢法太過單調，太過依賴即將轉會意甲卡利亞里嘅前鋒艾卡比亞，預計今晚有中場格拉恩停賽，供應將更加之少，想撕破佐加頓斯條近3場只失1球嘅防線唔係咁易！