飛腳櫻花大騷Encore

魑魅魍魉

24/05/2011
文： 蘇豪

亞冠盃十六強賽事有場日職內訌，大阪飛腳於主場與同市球隊大阪櫻花合演打吡戰，飛腳前鋒阿祖安奴費拉拿上次倒戈出戰射死櫻花，令兩軍牙齒印加深，雙方近六次於飛腳主場碰頭「大」晒，投X首選1.7倍大盤。（now 671周二晚6時直播）




飛腳今季撬走櫻花巴西前鋒阿祖安奴費拉拿，日職兩軍首循環交手時，此子倒戈入波，近期仲愈踢愈順，已於聯賽累積六個入球，今仗續成進攻重心。不過，飛腳後防重心山口智有傷在身，未必可以落場，令球隊有後顧之憂，主勝唔算好穩。


兩軍森巴箭頭有料到


另一邊廂櫻花亦有巴西射手洛迪高賓柏奧助陣，前線火力唔弱，不過防線主力茂庭照幸要坐波監，藤本康太預計會做替工，此子口氣極大，賽前揚言要阻止叛徒阿祖安奴費拉拿取得士哥，但球隊上場對川崎前鋒都失三球，可見櫻花後防甩漏甚多，今戰對住火力強勁嘅飛腳實在難保不失。




翻查往績，飛腳近六次主場對櫻花五勝一和，而且全數開出大盤，包括於○四年以七比一狂數對手，今季於聯賽亦以二比一贏波，優勢相當明顯。考慮到亞冠盃十六強賽事一場過，雙方都會毫無保留搏盡，大有機會合演精彩入球騷，捧入球大啱數。