雷勁論戰：讚賞進步再下一城

港陌

　　薛達志馬房季內成績不俗，至今亦已取得20場頭馬，亞軍亦有27席之多，可見馬房鬥志十分鮮明。今晚此廐亦有多駒參戰，其中以出爭第六場四班1800米的「金瑞」最具留意價值，此駒近戰出爭泥地賽備受睇好，兩次皆成大熱，可惜演出不太理想，今次回跑谷草應較合其腳法，皆因牠季內亦曾在同程有接近演出，證明路合發揮。馬有進步，加上負磅不太重，交由杜利萊執韁亦是理想人選，應有機會打開勝門。

精密紡表現穩定

　　同場最大勁敵，應是姚本輝馬房的「精密紡」，此駒在季內一直有穩定演出，跑1800米亦是其所長，今次抽得好檔位，黎海榮對其性能甚熟悉，亦有爭雄之力。此外，「善風」亦是當弗之馬，今次易配都爾執韁，是因為勞愛德已答允騎徐廐「中華寶寶」上陣，才分身乏術，但人馬季內曾合作上名，默契絕冇問題，有力威脅。至於「中華寶寶」近兩仗均在田草1800米僅敗，現時狀態正在勇境，也可作配。

　　告東尼馬房方面，則睇好出爭第八場二班1200米的「讚賞」，以往四戰同程取得兩勝，足見是其強項所在，上仗在同程彈甩「易搏贏」兩個半身位贏馬，姿態相當輕鬆，可見四歲馬仍在進步中。拼後操練工夫仍見積極，幕後必定把握機會盡拼，今番乘勇再來，有力直帶而返，可望添食。

　　配腳方面，要留意摩廐一對馬「步步快」及「六六精英」，兩駒均為谷戰能手，亦有佳態支持，路合人強，均有一爭之力。此外，吳定強馬房的「多益善」亦是有實力之馬，現時牠跑1000米已經稍嫌短，今次增程跑1200米應該更合其腳法，縱然升班上陣亦要留意。