格羅寧根火力猛唔怕海牙

猪拉多纳

26/05/2011
文： 笛子波童

周五凌晨上演三場荷蘭附加賽首回合，歐霸盃資格賽由海牙主場鬥格羅寧根。格羅寧根近六次對賽未輸過畀海牙，包括月初作客大勝四比二，事隔唔夠一個月，格羅寧根狀態未有走樣，今場力足保不敗，波童捧1.88倍「讓球客勝」。（周五凌晨2時開賽）


海牙、格羅寧根今季在常規聯賽排名、得失球方面其實好接近，不過一睇往績，格羅寧根卻一面倒佔優。連盃賽在內，格羅寧根近六次碰頭保持不敗，如果單計作客，近四次作客海牙取得三勝一和，最近一次係本月初勝四比二。格羅寧根上一圈作客雖然不敵荷華高斯，但能夠取得兩個作客入球，攻力絲毫冇減退，相信會沿用主攻踢法跟對手周旋。

精英隊踢慣附加賽秤先

海牙上一圈以總比數六比三淘汰洛達，可惜首席射手布利堅於首回合領紅牌被逐，今仗續要停賽，對攻力有一定影響，要打破近六次不勝宿命有難度。


另外兩場護級附加賽，其中荷乙靴蒙特主場鬥精英隊。精英隊上季於附加賽擊敗鹿特丹斯巴達升上甲組，經驗夠晒豐富，而且連上圈附加賽，球隊近八仗取得五勝兩和一負，合共攻入十九球，靴蒙特今季主場成績一般，聯賽十七戰只得八勝，勝率不足五成，今場可直取客W。