拉魯斯鑊氣勁炒颶風

猪拉多纳

30/05/2011
文： Combo King

阿甲前列球隊拉魯斯主場對颶風隊，拉魯斯自三月不敵葛度爾古斯之後未再落敗，近兩次聯賽更先後擊敗沙士菲及堤格雷，演出令人極之滿意。今場面對實力差一大截嘅颶風隊，相信拉魯斯可以大勝而回，2.2倍「讓球主勝」可捧。（周二凌晨3時10分開賽）




拉魯斯近兩勝都成功攻入對手三球，其中施維奧羅美路對堤格雷時大演帽子戲法。其實呢位廿二歲前鋒已受到不少西甲球隊所留意，基於歐洲轉會市場將於暑期重開，施維奧羅美路想空降歐洲搵食的話，現階段梗係要盡情「騷哥利」。面對實力咁弱嘅颶風隊，隨時又省番兩三粒都唔出奇。




現於積分榜下游嘅颶風隊，已經連續五場聯賽輸波，球員無論狀態及士氣都處於低位。而且颶風隊今季聯賽作客未贏過，對住大勇嘅拉魯斯可謂凶多吉少，「讓球主勝」開出機會極高。


葛度爾古斯有「甘」執


另外葛度爾古斯主場對甘拿斯亞，主W要吼實。雙方近三次對賽由葛度爾古斯勝出，賽績良好今場不妨再追。最後挪超奧特格寧蘭主場對洛辛堡，細盤開出機會高。洛辛堡今季大跌Watt，攻力可謂大不如前，相信今場與奧特格寧蘭會係一場悶戰。