意大利求愛夠細心

魑魅魍魉

03/06/2011
文： Combo King

歐洲國家盃外圍賽Ｃ組賽事，榜首意大利主場對愛沙尼亞，今次「藍衣軍團」選擇喺北部城市摩德納舉行。基於兩隊實力明顯有距離，相信客隊愛沙尼亞會集中精神做好防守工作，以和波一分為最大目標。意大利本身入球能力唔強，未必能夠大比賽怒炒對手，估計今場入球數字偏低，細盤逾２倍值得捧場。（周六凌晨２時45分開賽）




意大利今次點兵冇太大驚喜，相信領隊柏蘭迪利會繼續排出「４３３」陣式迎擊愛沙尼亞。雖然話有三位進攻球員，但唔代表球隊有好強入球能力。就以近四場比賽為例，無論對手強或弱，意大利都係一球起兩球止，貫徹佢哋穩守為主嘅傳統特性。論級數愛沙尼亞當然唔及主隊，但近仗對住實力唔弱嘅烏拉圭及塞爾維亞都有好表現交出，證明球員狀態唔差。只要球員肯全心防守，意大利都好難搵到空位起腳攻門。


克羅地亞大炒「格」


另一仗克羅地亞主場對格魯吉亞，「讓球主勝」捧得過。現時克羅地亞暫以一分落後榜首希臘，為保直接晉級資格今場有取勝必要。十號仔莫迪歷今季大熟大勇，應可為前場製造入球良機。最後聖馬力諾主場對芬蘭，揀「讓球客勝」，聖馬力諾屬歐洲區魚腩部隊，五場分組賽輸晒兼冇入球。芬蘭只要唔輕敵，大勝可期。