棟悉先機：神童天才橫溢

猪拉多纳

　　今日好大機會係韋達嘅世界，成批子彈「騷」晒出嚟，贏唔到三四場的話，可能好多馬迷會喊住離場。不過，賽馬係講值唔值博，熱門馬唔係一定贏梗，作為投X人士，自己顧住荷包，一博一，唔划算，與其係咁，倒不如發掘其他冷門，可能更有回報。

　　第四場四班1400米草地。「神童」初出幾十倍跑到殿軍，多多少少感到意外，呢類新馬如果有啲機會，稍為有風吹草動，斷唔會冇飛。而近兩仗成績雖然仍是三三四四，陣上睇佢冇咁曳，跑姿開始變好咗，今仗除咗個戴開嘅頭罩，證明練者漸漸放心隻馬嘅跑姿。如果此馬跑回上賽負於「自由萬歲」、「明旺」嘅功架，在此場已具贏面。

　　第七場三班1200米草地。「首飾達寶」一出即贏，幾乎全程係由佢帶頭，睇睇整體時間56.23秒，真係嚇一跳，粗略估計，下季九成九喺一班搵到佢。就算目前未熟，升上三班跑又如何，多虛分在手，根本唔會視班次阻力為何物！佢嘅敵人只有自己，因走規未好，11檔或跑到亂籠，但如果留放合度，呢批馬豈會做到「架兩」。

佳同好夾安國倫

　　第十場三班1400米草地。「佳同」早期已在此程上名，當時仲係跑緊速度，未斂口。由於目前已比前乖，嘗試返回1400米，阿航呢步行得好啱。另外，上賽在安國倫手上，發揮令阿棟眼前一亮，原來比起柏寶更夾，今次轉程成績可望更進一步。

點買法

　　預期「首飾達寶」獨贏十幾蚊貨仔，贏咗都唔生肉，博W唔使預阿棟！我反而喜歡「神童」，由於熱極有限，WP玩吓無妨。而重心Q都揀埋同一場，６號膽，因邊線馬太多，拖多幾隻腳。

資深評馬人　陳華棟