水手駕馭勝利船冇難度

猪拉多纳

05/06/2011
文： 蘇豪

日本聯賽盃今日開騷，橫濱水手第一圈首回合主場對神戶勝利船，水手只得守將粟原勇藏入選日本大軍，其餘主力如數上陣，人腳非常完整，大軍今季主場威力強，有力擊敗勝利船先拔頭籌，捧主勝！（周日下午2時開賽）




日本發生東北大地震後，國內賽事一度中斷，令日聯盃要重整賽程減少比賽場數，賽會決定取消分組賽，改為直接進行淘汰賽，經過抽籤之後，首圈十二隊捉對廝殺踢兩回合淘汰賽，冇得再懶懶閒踢分組賽，一嚟就要打真軍。




日本國家隊踢緊麒麟盃，但橫濱水手只得守將粟原勇藏入選，主將中澤佑二及中村俊輔等老將都冇份，加上年輕射手小野裕二傷愈可候命，人腳完整。水手近兩次主場出擊全勝入七球，火力強勁，結合對上兩次主場對勝利船贏晒，今場可秤先。


山葉「大」走黃蜂


同日磐田山葉主場對福岡黃蜂，黃蜂升班後八戰全敗，近四場狂失十五球，後防中門大開，今場主將中町公祐、成岡翔及城後壽有傷上陣成疑，隨時又畀人數。山葉射手前田遼一入選日本國家隊，巴西外援球員基仙奴可望擔正攻堅，鋒力得以保持，捧大！


日聯盃推介


磐田山葉 大盤




橫濱水手 勝

川崎前鋒 讓球客勝