搵食Battle：日聯盃改制弱旅發圍

猪拉多纳

05/06/2011
文： 自由恆

由於早前發生大地震，搞到原先喺3月揭幕嘅日本聯賽盃，要到今午先至正式展開，賽事亦由原先嘅單循環分組賽，變成兩圈嘅主客兩回合淘汰賽。


福岡唔怕斷箭磐田


雖然話就話因為賽期緊迫，先至將日聯盃嘅賽程簡化，但其實轉變後嘅兩回合淘汰賽，比起之前嘅分組賽更有睇頭，值得繼續推行，其實睇番往年嘅初賽，14隊分兩組角逐，每組只得首兩名可以出線，分組賽打到一半已經出現大量例行公事，無論係欣賞同菠菜價值都欠奉。




不過即使賽制轉變，今屆嘅日聯盃同往年都係有一個弊病，就係硬要喺國際賽期舉行，好多主力被國家隊抽走，聯賽冇料到嘅弱旅隨時異軍突起。日職開季8戰全敗嘅福岡黃蜂，今日就會作客上屆冠軍磐田山葉，兩軍前一周先喺聯賽交過手，磐田當時大勝4:1，反射式推論係就係值得再追，不過佢哋嘅首席射手前田遼一走咗去踢麒麟盃，隨時會係另一回事，主W有1.5倍亦有多少熱唔透，不如冷吼2.35倍「讓球客勝」好過。（開賽時間：周日下午2:00）


Battle精選


足球重心 福岡黃蜂（讓球客勝）




馬膽推介 10場14 驌龍




今日蔡約翰強陣出擊，尾場嘅「驌龍」預咗會有極重過關飛，不過此駒上場內閃都贏得咁易，姿態可以媲美6年前初出道嘅同廐頂班精英「好利威」，下季絕對有力問鼎大賽，今場可能已經係最好分嘅一次。