賠率有路捉：分享W有捧場客

港陌

　　噚日睇飛聞到少少味，八場曾成為大熱門W嘅馬，除咗「奄尖大少」個P夠信心，一度落到1戙外，其他都異常好分，有啲古怪，故此遇到心水冷馬，不妨買注WP捧場。

　　頭場五班1000米，有隻馬排十一檔照樣惹飛，佢就係「分享」。呢匹馬好神奇，無論點贏，佢都唔會成為大熱門，又專門喺十幾倍嘅時候郁手，就講佢季初攞一冠一亞，贏嗰場有15倍，入Q嗰場就14倍，隔晚W賠率曾落到12倍，睇嚟又係郁手之時。其實佢上仗落五班已經有人捧場，最後賠率由前仗嘅99倍變成38倍，結果只得第十，但係「粉絲」們好似一啲都唔驚，今次信心反而更強，唔通落班第二鋪先嚟料？一於揀佢。

冷敲白德民騎師王

　　騎師王方面，韋達、柏寶、馬偉昌、勞愛德、何澤堯同鄭雨滇，六位騎師唔過12倍，咁嘅情況，不如博22倍嘅白德民爆冷，雖然得四匹坐騎，但有「活力至寶」，值得一博。

周仲