借題發揮：成隊兵馬擺出嚟 告東尼大搏殺

魑魅魍魉

　　大意失荊州，周不時發生。以為坐定粒六，唔使咁緊張，結果關鍵位出事，喊都無謂，唔會有人同情。譬如近季見過有唔少騎師，終點前放軟手腳，以為好老練，判斷到終線位喺邊，最終1個接1個出事。懶叻根本冇意義，獅子搏兔點解會出盡全力！那批久不久「瀨嘢」騎師們，得閒應該睇多啲《國家地理頻道》！

　　講到出盡全力呢個課題，告東尼讓我們深深體會到，明明之前帶甩過大摩好幾場頭馬，佢一於好少理，繼續自己那一套，搏得就搏，賽駒出得就出。如果噚日唔係「勁闖駒」退出，東廐10場都有馬出！擺得出咁嘅陣容，斷唔會係打腫塊面扮闊佬，當然有連場出擊意圖。

　　正如「寶德」，最近3次跑1400米，場場有P，演出有保證，肯再集中此程，一定會搏到贏為止。「延續美麗」賽績係咪斷咗纜，唔排除係咁，因之前兩W或已贏凸晒，今仗轉到泥地，只係玩票性質，不過，以隻馬速度咁好，試試泥地，可能會有新出路。

　　「一定爆」貴為有星味之馬， 跑甚麼路程，賽前必度得清清楚楚， 加程至1400米，唔會係亂嚟，衝擊5W有行。

Jack