烏克蘭兄弟班唔怕克

猪拉多纳

12/06/2011
文： 麥馬拿仁

U21歐國盃B組分組賽，捷克U21鬥烏克蘭U21。計實力及星味，捷克有高薩克及柏赫特壓陣的確秤先，但烏克蘭大部分球員均來自基輔同薩克達，打法機動整體，而且於附加賽淘汰荷蘭出局，烏軍實不容小覷。分組賽首戰雙方都唔想輸，烏軍受讓可捧。




（周一凌晨零時開賽）




兩軍身處「死亡B組」，同組仲有英格蘭同西班牙，故今戰雙方如能出線，都屬爆冷戰果。今戰對賽結果好關鍵，如果輸波之後仲要兩鬥強敵，分分鐘散晒連輸三場出局，教兩班小將好難全力進攻，烏克蘭防守較佳有利。球隊於外圍賽分組賽四勝四和，當中有五場一球不失，而且陣中球員全數來自國內，其中六名來自基輔，呢班波默契一流，而且能於附加賽淘汰荷蘭唔簡單，今晚肯定畀到麻煩捷克。


捷克孖寶名氣大


捷克陣中有多名外流球員，當中包括拉素強力鋒將高薩克，而紐倫堡「長人」柏赫特係捷克U21史上首席射手，淨係呢對箭頭已經夠睇頭。預料捷克今場會有較多控球權及較多攻勢，但雙方五五波捷克根本讓唔起對手，「讓球主客和」烏軍受讓一球，要「讓球客勝」。