艾夫斯堡主場得米

猪拉多纳

12/06/2011
文： SAMVO肥叔

美洲金盃真係亂晒龍，尋日輪到格林納達搞事，以一比七不敵洪都拉斯，雖然佢哋實力唔及對手，但都冇理由踢到咁差，尾段完全任人魚肉，表現非常業餘，再結合走地盤口變動，呢場賽事明顯有問題，呢啲波睇得多真係眼冤，不玩也罷！




歐洲主流聯賽收晒咧，依家得番啲三、四線波玩，日職賽事可以放心玩，另外，瑞典波同樣值得留意，喺咁多北歐賽事之中，瑞典超算係較具規模，整體水平唔錯，而且架構同制度都好，加上透明度高，形象頗為正面，所以深受菠菜公司同投X人士歡迎。




強勢可劏米贊比




講番今次推介，艾夫斯堡主場對米贊比，捧主隊！如果有跟開瑞典超，相信都會認識艾夫斯堡呢隊主場王，如單計主場評級，佢哋係瑞典超一線球隊，踢落明顯超班，今季喺主場延續強勢，今仗對住二、三線球隊米贊比，贏波機會高唱入雲，可作是日重心。




同日AIK蘇納主場對馬模，兩班波都係瑞典名牌球隊，相比之下，AIK今季水準明顯較為飄忽，近期頻頻輸波，有行家仲已經調低球隊評級。馬模勝在穩打穩紮，現時莊家開緊平手盤，梗係捧馬模啦。


肥叔心水


艾夫斯堡 上盤

捷克U21 上盤

馬模 平手盤

英格蘭U21 下盤