傳奇快車輝哥唔怕「遲」

猪拉多纳

延遲報名嘅馬成績一向都唔係咁好，但姚本輝卻與眾不同，吼準咩對手先至加入報名，近十駒獲三冠兩亞一季，六成上名，昨日又爆一件「傳奇快車」，有心唔怕「遲」。
       
黎海榮新婚第一W

區議會主席陳振彬都有一排冇試過拉頭馬滋味，尋日第六場佢代表冇入場嘅李寧，幫贏咗嘅「桂花飄香」戥腳影頭馬相同接過香檳，可以過吓手癮，本來已經好滿足。唔知係咪因為沾咗旺氣，第八場獨贏賠率有成19倍嘅愛駒「傳奇快車」最後順利跑出，終於名正言順拉番場頭馬，唔使淨係戥人高興。呢場亦係黎海榮新婚後第一場頭馬，可謂另添一重意義。