朝早有動靜:何良重視都靈一號

猪拉多纳

　　馬季將煞科，晨課出試馬開始變得疏落，加上昨日為星期天，又有雨，場面更為冷清，不過幾位本地練馬師姚本輝、何良及吳定強尚見積極，似乎季尾仍戰意十足。其中何廐「都靈一號」由蘇狄雄跳半哩，打腳包出試，走來仍見姿態靈活，勁力不俗，頗有進步，何良則金晴火眼到實，睇嚟有計。此駒在港九戰未逞，只獲一場季軍，近日勤做快工夫，周三突然大幅增程跑一哩，不可不防。

　　那邊廂，姚廐「沙紙」亦快磨，該駒由黎海榮主試，人馬先在機坪熱身，之後再往跑道考驗，備戰過程認真，盯緊為宜。早前此駒勝後，卻因體內含禁藥被取消頭馬資格，上仗初跑谷草求補中，結果跑獲亞軍，可見適應力甚強，今次做足工夫再戰，有意拼個明白。

　　吳定強動態亦見緊張，旗下報名馬「暖在心頭」在機坪踱步，「燈胆寶」則快試，練者逐匹貼身跟進，看來攻勢未因已「上岸」而放緩。　

韋柏