數據人生：贏啲啲有路可捉

猪拉多纳

　　臨近煞科階段，不少馬經過一季拼搏後，牠們的體力都已經消耗得八八九九，甚至部分會出現厭戰情緒，故此不時出現熱倒冷爆的鏡頭。不過，近期卻常有剛於上仗大熱倒灶的馬，再出即贏馬交代，如剛戰的「傳奇快車」及「又贏晒」便是最佳例子。周三晚的八場谷草賽事，「勁勇士」、「吉利大師」及「贏啲啲」均於上仗被捧成大熱但未勝，捉路今次要優先留意，其中後兩駒均出王牌報名，但「吉利大師」初跑谷草稍有隱憂，計落應以「贏啲啲」較穩陣。

　　六歲的「贏啲啲」目前正值作戰黃金期，而牠在港上陣三季以來，至今三十九戰累積三冠四亞四季，對於一匹中下班次的馬匹而言，成績已算不俗。另外，牠以往列陣五班賽十次，居然交出兩冠兩亞一季兩殿及三席第五，全有獎金收便知牠是「五班王」。上仗「贏啲啲」於五班谷草1650米不敵「迅者」及「燈胆寶」跑第三，末段愈衝愈勁表現不俗；既然上季牠跑至七月仍上名，足證本身體力雄厚，這次再跑谷草一哩力足補中。

歐陽志恆