馬主論戰

魑魅魍魉

沙紙１定可補中

　　姚本輝今晚出馬唔多，但全部都有實力， 我睇好佢可以贏馬，甚至起孖。推介第三場「超晒班」，上場馬鞍滑移一樣照贏，果然馬如其名，今次繼續響四班上陣，真係好難搵到對手，可以順利執多場頭馬。另外鍾意第六場「沙紙」，雖然贏馬嗰場被取消資格，但能夠撼贏「喜惑」，三班點會冇得贏？上場初跑谷草已經入Q， 今次抽得一檔起步，篤定補中。

張敬山

金勝福星博得過

　　蔡約翰剛啱憑「好利佳」同「明達」起孖，依家佢只落後告東尼十場頭馬，唔係完全冇機會爭冠軍，估計馬房攻勢陸續有來。推介第三場「金勝福星」，上仗小休復出跑第四，已試準走勢，轉跑谷草對手弱得多，係時候開齋。另外鍾意第四場「風力威猛」，今季跑得最好嗰次係出爭谷草1800 米， 窄場性能唔使懷疑，吼準條件限制賽上陣， 有心交代。

任達華

鐳射槍五班開火

　　今晚我哋隻「鐳射槍」有份上陣，呢隻馬轉咗去告廐之後， 跑兩場都輸唔遠， 今次落到嚟五班，對手比對上幾仗弱得多，希望可以趁季尾贏番一場喇！另外鍾意尾場「鵬力洋洋」，呢隻馬跑谷草一哩真係好準，季內八戰此程得兩冠三亞兩季一殿，上場轉跑冇根據嘅泥地一哩，臨場係21倍冷門，輸咗一啲都唔出奇，今次終於跑番強項路程，排埋內檔起步三甲穩陣。

寇鴻萍、梁廷鏘