雷勁論戰：勁贏晒 戴眼罩W得

港陌

　　呂健威馬房季內已贏了20場頭馬，成績比上不足，比下有餘，今季目標大致完成，當前要務是為未交代之馬爭取在唞暑前贏番場，所以，周日呂廐上陣馬全部都是未嘗一勝或本季未獲頭馬的，其中以「勁贏晒」及「按一按」最值得優先留意，尤其是前駒，上仗於1400米跑得一席第二，拼後繼續大力做工夫，今次舊路重遊馬房把握更大，認為頗有機會打開勝門。

　　呂廐「勁贏晒」上仗力拼僅敗，幕後心有不甘，因為此駒實力不弱，只是成熟程度未十足，陣上作賽時精神欠集中，末段鬥起來欠多少貫注力，所以今次替牠除去面箍，改戴眼罩上陣，將對牠大有幫助。

　　「勁贏晒」在港只跑過三場賽事，首戰沙田1200米已能後上爭入一席第三，當時狀態只在初起階段，1200米亦稍嫌短，敗不足據，經過兩場1200米熱身後，上仗增程跑1400米果有進步演出，後追力甚強，但在競賽途中走勢仍不是太理想，有畏群的現象，所以今次特別為牠更換配備，希望其情況有所改善，力度變得貫注，則可期有進步演出。另一方面，賽前加強操練，使其狀態更靚，柏寶一手打磨可見重視，今仗對手實力不太強，應有勝機。

　　呂廐另一惡馬是第四場的「按一按」，此駒連拼皆未能得逞，幕後已有微言。此駒過往表現欠佳，主要是脾氣大，經常在閘廂內扭計，所以有慢閘的情況出現，但經過一段時間打磨後，劣脾已有改善。

按一按閘前專人尾

　　據馬房中人透露，呂健威已申請助手在起步前幫手「按一按」馬尾，使牠出閘順利一點，馬勇路合，排檔又好，強配上陣，有心贏馬作交代。