朝早有動靜：正毅未必係副車

猪拉多纳

　　天氣持續欠穩定，昨朝晨課有雨，但不少人馬仍認真備戰，當中蔡約翰、告東尼兩大馬房均積極備戰，旗下戰馬冒雨出操，絕對有留意必要。

　　尤其是蔡約翰，日前返港後即埋頭工作，先後與韋達及楊明綸雞啄唔斷，動態肉緊。事實上，兩位騎者在蔡約翰離港期間，肩負教馬之職，過程亦一絲不苟，對各駒進度最清楚，難怪練者捉住二人問長問短。

　　今日沙田賽事，蔡廐共派十駒出戰，陣容強大，其中首要留意出爭第四場三班1200米的「皇帝法令」，上兩仗狀態只屬初起，陣上走勢已虎虎生威，的確非善男信女，屬款頭十足之馬。

　　今次「皇帝法令」增程改跑1200米轉彎途程，賽前由韋達一手摸實，期間連踱步亦親力親為，對此駒高度重視，一舉一動已畀晒貼士，志不在小。

　　另外， 尾場二班1800米， 蔡廐派出「活力奔騰」、「勁高手」及「正毅」三路興兵，其中由賴維銘操刀的「正毅」未必係副車，必須吼實。此駒在練者悉心調理之下，健康已大有起色，最近在天雨下操練，走勢極為生猛，不排除屬見水即生之馬，若然臨場下雨令場地起變化，必須盯緊。

韋柏