馬模殘陣卡爾馬唔怕跟

猪拉多纳

20/06/2011
文： 牛奶仔

剛喺瑞典盃畀卡爾馬踢出局嘅馬模，今晚再遇仇人肯定想贏番鋪報仇，但弊在近態麻麻兼有大量傷兵，就算主場出擊亦冇勝算，一於捧卡爾馬1.95倍「讓球客勝」。（開賽時間：周二凌晨1:00）




馬模5日前先作客卡爾馬踢完瑞典盃8強，結果雙方加時踢成1:1，要互射12碼決勝負，結果馬模慘遭踢出局。今日返番聯賽，馬模上下雖矢志要報仇雪恨，可惜班波近期戰績低迷，近3場賽事不勝之餘，聯賽亦已經跌落中游位置。雪上加霜嘅係，正選門將祖漢達連上周勉強復出，結果不幸觸傷舊患，今仗將連同十字軍查斯明蘇迪同停賽嘅雲辛斯齊齊避戰，加上比卡斯基、謝路安夏馬特同麥美迪亦因傷上陣成疑，陣容可以話天殘地缺。


連續4場不敗


反觀暫列第4位嘅卡爾馬已經連續4場保持不敗，走勢凌厲，陣中亦只有達古沙同施米利兩名長期傷兵，影響唔大，要繼瑞盃後再度冧莊開W應該唔難。更重要係卡爾馬近5次對住馬模錄得3勝1和1負絕對性優勢，近2年作客更全部贏波而回，球員心理秤先。