法林明高旨意細哨唔係路

魑魅魍魉

25/06/2011
文： 自由恒

阿甲附加賽就拿拿臨趕喺美洲國家盃開鑼之前完成，相反巴甲除咗喺7月第一個周末休戰外，其餘都一切如常，一於同國際賽打對台，究竟之前美洲金盃吸盡美職球星嘅問題，稍後會唔會喺巴甲出現呢？




不過睇番美洲國家盃各國嘅初選名單，發現暫得13名巴甲球星入選，相比起金盃期間，單係紐約紅牛就有5人為國服役嚟講，實在係小巫見大巫，球迷刨巴甲嘅時候亦可以少一份顧慮。


明尼路開季僅輸1仗


玩巴甲向來都主場行先，不過今日3支主隊都唔多掂，帕拉尼恩斯同埋高士路仲衰到未開齋，倒不如破吓例捧作客波。頭場法林明高主場對明尼路，主隊靠走晒樣嘅細哨孭重飛，當然唔使旨意有好成績，難怪開季只係贏過榜末嘅艾華爾，計埋之前嘅州聯賽，近7次主場先至得1勝，連地頭威勢都冇乜，相反明尼路開季只係輸過畀5戰全勝嘅聖保羅，表現硬淨得多，「讓球客勝」有1.85倍值博。（開賽時間：周日清晨5:30）


Battle精選


足球重心




明尼路（讓球客勝）


睇飛搵食


捷克U21（主勝）

今晚場U21奧運資格賽，足智彩同歐洲平均賠率差距都算驚人，馬會捷克U21主W得1.65倍，熱過歐平嘅1.94倍一大截。事實上白俄除咗上場對西班牙似樣啲之外，其餘賽事表現都不及捷克，馬會操盤手做足功課，當然要捧場。