布基納法索搶尾胡

猪拉多纳

26/06/2011


世少盃A、B組分組賽全部踢完，主辦國墨西哥、剛果、日本及法國成功獲得出線資格，其中日本更在B組兩勝一和力壓大熱門法國取得首名。北韓雖已畢業，但表現並不失禮，至於烏茲別克及澳洲仍有機會出線，可見亞洲少年已能在世界舞台立足。




香港時間周一凌晨續有最後一輪世少盃分組賽，E組布基納法索會對厄瓜多爾。雖然布基納法索兩戰兩敗兼「零士哥」，但呢支非洲兵踢落並非太差，只係佢哋風格太粗野，上場短短開賽廿多分鐘就有球員領紅離場，到尾段再有一人被逐，結果淨吞德國三蛋。由於分組賽成績差，預期布基納法索會被睇淡，今場面對有前冇後厄瓜多爾有望製造驚喜贏波。（周一凌晨4時開賽）


德國勒唔住可添食


至於另一場同組賽事，巴拿馬則會對德國。今屆世少盃多支強隊，以德國表現最對辦，兩場共轟九球大顯王者風範，雖然球隊已經出線，但後生仔又點會勒住踢，預計照炒巴拿馬。