艾夫斯堡「讓球勝」益里

猪拉多纳

27/06/2011
文： Combo King

阿King今日繼續為大家提供瑞典超好料，艾夫斯堡返到無敵人造草場鬥西里安斯卡，可以大勝一場盡洗近日頹風。近兩場艾堡不勝，但都係作客賽事，睇番球隊本季主場六勝一和，每場起碼入兩粒，西軍作客曳絕，捧「讓球主勝」！ （周二凌晨1時開賽）


西里安斯卡作客腳軟


艾堡近兩仗先不敵加費萊，之後又被哥登堡逼和，但兩場都不在自己地頭作賽。超勁主場威力係艾堡爭標本錢，近兩場分別大勝米贊比同布洛馬波卡納，於四月尾更曾大炒馬模，依家班波谷到成肚火，西里安斯卡今輪遇着佢哋，整定冇運行。




西軍係典型弱旅，主場出擊戰力還可，但一作客就毫無還擊之力，本季六場作客賽事僅入一球輸足五場，今次難死守躁爆主隊，捧「讓球主勝」。




榜首球隊希爾星堡作客榜尾咸史達斯，希堡上仗大數特利堡七比三，其中主力鋒將根特表現八面玲瓏，個人梅開二度外更多次貢獻助攻，球隊狀態升至頂峰，可輕易撕破咸軍脆弱防線，捧客勝。




最後諾高平主場對卡爾馬，主隊首席射手科華迪臣續傷，攻力將持續疲弱，卡軍近六作客聯賽五次開細，捧細盤。