華拉倫加上力所向無迪

猪拉多纳

29/06/2011
文： 牛奶仔

今晚挪超尾場賽事，「二哥」莫迪會造訪挾3連勝氣勢出擊嘅華拉倫加，客軍上場輸波被打窒士氣，加上又有唔少傷兵缺陣，寧要1.9倍主勝！（開賽時間：周四凌晨2:00）




莫迪後防大穿窿




華拉倫加成功擺脫季初嘅頹勢，近3場聯賽全勝兼冇失過波，走勢非常凌厲，依家佢哋落後今仗對手6分但少踢2場。陣容方面，該隊今場只有長期傷兵貝尼缺陣，至於上場停賽嘅中場奧古迪則連同傷愈的翼鋒達華達利治、後衞基斯杜化希斯特同阿文諾尼復出，令主隊實力回復完整。




另邊廂，莫迪上場作客輸咗畀奧特格寧蘭，4連勝走勢告終，更錯失升上榜首嘅大好機會，士氣大為受挫。今場佢哋雖然有麥尼賀斯夫刑滿復出，又輪到守將史甸斯列特韌帶受傷肯定踢唔到，湯馬士賀姆、史坦同安美祖漢臣3名中後場主力亦未必踢得，令莫迪後防隨時大穿窿，作客氣勢正盛嘅華拉倫加睇怕都幾難有運行。再睇埋對賽往績，雙方近5次交手華拉倫加共錄得4勝1和不敗佳績，今次贏埋地利人和就更加值得捧場啦！