內圈探索：多利皇力度貫注

猪拉多纳

　　今日沙田上演八草三泥賽事，近期蔡約翰馬房頻頻數胡，頭馬數字不斷攀升，今日此馬房亦擺下強陣應戰，其中以「明達」與「多利皇」最具分量，實有捧場價值。

　　出爭第五場三班1200米泥地的「明達」，季內經過三場草地短途熱身後，上仗轉戰同程即在普萊西胯下以兩個多馬位彈甩「心歡笑」打開勝門，該役牠沿途走三叠仍締佳速贏馬，反映泥地性能一流，目前仍留在三班作賽，形勢有利。復課後，此駒備戰並未放緩，近期由韋達一手快試考驗，走來身壯火旺，埋門踱步狀態對辦，今回再戰勝途，易配韋達連捷冇難度。

　　列陣第六場四班1400米的「多利皇」，前仗在韋達胯下出爭同程，以個多馬位不敵「雪米糍」得第二，已見試準走勢；上仗再戰1400米，即以佳速贏馬補中，足證質素上乘，勝後只加五分，仍能留在四班作賽，便宜莫甚。復課後，此駒續做工夫，由練馬師一手主操，埋門踱步走來力度貫注，狀態有進冇退。今回再戰勝途田草1400米，續由贏馬拍檔韋達執韁，人強馬勇，可望再下一城。

家明