美國走樣炒唔起哥軍

猪拉多纳

02/07/2011
文： 樂比堅尼

女子世界盃今晚繼續上演兩場C組第二輪分組賽，美國女足對哥倫比亞女足，經過多日賽事已證明，世界女子足球發展漸趨成熟，已再難有魚腩出現，美國首仗雖勝北韓兩粒，但唔代表惡晒，今場「讓球主客和」讓兩球太多，捧「讓球客勝」。 （有線64台周日凌晨零時直播）


哥倫比亞青春無敵


哥倫比亞女足首次殺入女子世界盃決賽周，好多人都睇低佢哋，但首仗對瑞典女足僅輸一粒，已證明呢隊波唔可以睇小。事實上，哥倫比亞女足近年進步神速，外圍賽僅屈居巴西第二名出線，而去年德國舉辦嘅U20女子世界盃，哥倫比亞女足亦取得第四名，可見佢哋前途無可限量，目前球隊有五名球員効力美國大學球隊，對美國女子足球可謂相當熟悉！




美國係傳統女子足球強國，亦係今屆女子世界盃三大熱門之一，但隨着世界女子足球水平日漸拉近，美國昔日巨大優勢已不復見，首仗贏北韓二比○，表現唔算特別有霸氣，只係對手發揮更差，最重要係球員年紀開始老化，二十八歲以上「中女」有九個，相反哥倫比亞二十五歲以上球員卻僅得三個，正所謂拳怕少壯，梗係捧哥倫比亞女足！


賽制


分組賽階段：16支球隊分4組，每組4隊，採單循環制，每組首、次名將進身8強。分組賽出現同分，將以下列方法定名次：1.總球差　2.總入球數　3.有關隊伍的對賽得分　4.有關隊伍的對賽球差　5.有關隊伍的對賽入球數　6.公平競技得分（黃、紅牌計算）　7.抽籤




淘汰賽階段：法定時間內打和，將加時30分鐘，再和則以互射12碼決勝。