「雙哥戰」強捧哥倫比亞

猪拉多纳

02/07/2011
文： 法比加輝

在阿根廷舉行的美洲國家盃A組爆發「雙哥」大戰，哥倫比亞對哥斯達黎加。哥斯達黎加主力剛征戰完美洲金盃，所以同墨西哥一樣，今次只派二線兵應付美洲盃，實力大減。反觀哥倫比亞精兵盡遣，有人氣王法卡奧壓陣，大炒機會高，建議捧哥倫比亞「讓球主勝」。（有線61及201台周日凌晨2時30分直播）




今屆美洲盃最有「魚腩相」嘅球隊非哥斯達黎加莫屬，事關佢哋只係頂替受海嘯影響嘅日本,以嘉賓身份參戰，球隊將重心放落剛結束嘅美洲金盃身上，為免常規主力連打兩項盃賽冇得休息，今回只派二線兵出征。哥斯達黎加大軍中有多達十七名球員未滿廿三歲，只有三名球員國家隊「喼帽」達到雙位數，經驗相當貧乏，估計參賽目的都只係讓年輕球員吸收大賽經驗，想突圍應該係「不可能的任務」。


隨時炒四、五粒


事實上，此前曾三次參加美洲盃嘅哥斯達黎加，過往表現麻麻，最佳成績只係入過八強，拍埋南美球隊明顯唔多夠班。雖然哥倫比亞近年亦冇甚佳作，但幸好隊中嘅年輕球員陸續成熟，並在歐洲球壇冒出頭來，包括今夏轉會市場最炙手可熱嘅波圖前鋒法卡奧，此子入球率有幾高，相信都唔使加輝多介紹。




此外，哥倫比亞還有沙柏達華倫西亞、阿古拿及古亞連等實力分子在陣，今場要炒「哥斯達黎加B隊」應冇難度，捧「讓球主勝」之餘，要埋波膽4:0及5:0。