天鵝齊腳開餐

猪拉多纳

02/07/2011
文： 蘇豪

周末日職賽事新潟天鵝主場對山形山神，天鵝早前受到傷兵及奧運外圍賽影響，陣容嚴重不整，連續九場聯賽不勝，不過大軍現時人腳回復完整，今仗主場對弱旅山神屬贏波反彈黃金機會，主勝值得一試。 （周六晚6時開賽）




新潟天鵝頭四輪聯賽兩勝兩和，戰績不俗，不過大軍踏入五月演出回落，主要因為有半隊主力受傷，加上早前有多位奧運腳為國出戰，陣容長期天殘地缺，自然影響發揮。天鵝現時續有門將黑河貴矢及東口順昭等養傷，但多位奧運腳及傷兵已復出，加上米高及般奴盧比斯等外援都踢得，已算非常齊腳。




另一邊廂山形山神狀態持續低沉，射手長谷川悠及北村知隆傷愈復操，今場預計應可落場，不過兩人本季加埋只入一球，狀態同信心麻麻，加上前線古橋達彌仍需養傷，前面只靠大久保哲哉爭取士哥，鋒力有限。山神近九場聯賽輸七場，今季聯賽作客六戰一和五負，表現完全唔掂，今場反多鋪！


黃蜂風林無「大」不歡


同日福岡黃蜂主場對甲府風林，兩軍合演升班馬對決，黃蜂聯賽十三戰輸十二場狂失三十二球，後防紙咁薄！風林聯賽三連敗失十球，防守同樣曳到唔恨，兩隊都揀唔落手，雙方近五次聯賽碰頭全大，捧大最好！


日職推介


福岡黃蜂 大




新潟天鵝 勝

清水心跳 下盤