櫪木當弗有薩氣

猪拉多纳

02/07/2011
文： 蘇豪

日乙賽事櫪木SC主場對札幌岡薩多，櫪木今季異軍突起，近期愈戰愈勇，對上四場聯賽取得三勝一和，射手列卡度盧保踢到着晒火，隨時助球隊爆冷取得升班席位。岡薩多攻力弱，作客實捱打，捧主勝！ （周六下午5時開賽）




櫪木SC上季只屬日乙中游分子，成績一般，但大軍今季愈踢愈醒，聯賽十三戰贏八場，目前同升班熱門千葉市原同得廿七分高踞榜首。櫪木擁有超班射手列卡度盧保，此子今季已入六球，保連奴及水沼宏太等進攻球員亦有級數，球隊實力唔弱。


東京升呢捧得過


札幌岡薩多近兩場作客聯賽贏晒，驟眼睇似乎狀態唔錯，不過球隊所贏對手只屬大分三神及FC岐阜之流，拍埋櫪木SC實力明顯差一大截。岡薩多聯賽十二戰只入九球，攻力偏弱，今次作客惡唔出樣，捧對家！




同日FC東京主場對鳥取飛翔，東京於聯賽連贏四場狀態回勇，早前更簽下舊將盧卡斯施維連奴，此子之前効力大阪飛腳，踢日乙超晒班，可助球隊中前場「升呢」，今場對住飛翔贏波機會高唱入雲，主勝冇乜肉食，直取「讓球主勝」。


日乙推介


櫪木SC 勝




FC東京 讓球主勝

湘南比馬 讓球主勝