地膽加爾斯3分手到拿萊

猪拉多纳

02/07/2011
文： 阿當k神

今晚瑞超尾場上演「雙加」大戰，「地頭龍」加爾斯繼續喺主場出擊，迎戰有大量主力缺陣嘅加費萊，有望延續絕佳對賽往績再贏多鋪，要1.7倍主勝。（開賽時間：周日凌晨0:00）




加爾斯上仗贏咗另一勁旅馬模後，主場錄得4連勝佳績。佢哋今季聯賽7次喺主場出戰贏足6場，平均攻入2球，地頭威力可見一斑。睇番兩軍近6次交手，主場一方錄得4勝2和，勁旺主隊。再講，加爾斯對上5次迎戰加費萊全部贏晒兼只失1球，今仗仲要有達文迪同祖漢馬頓臣齊齊刑滿復出，陣容完整更添勝算，3分應該走唔甩。


加費萊防線4虎打柴


目前領先加爾斯1分排聯賽第4嘅加費萊，雖然保持連續6仗不敗，但當中只係入得4球，今次作客出戰，難望及時撻着。咪忘記佢哋仲有奧哈根、丹尼爾利奴、艾斯比同費林邦4名中後場主力因傷缺陣，條防線殘到咁，點頂得住「地頭龍」加爾斯呀。