數據人生:華廐大熱門靠唔住

猪拉多纳

　　賭馬吸引之處，除馬匹競逐角程扣人心弦外，最重要是每場被捧成大熱、賠率乏味的所謂正路實力馬，其實亦無必勝把握，有時候普羅馬迷投X十元八塊在冷門馬身上，或許也會有意外收穫，若然中正孖T、三T此類特別彩池，回報自然更加可觀。

　　就以剛戰為例，全日十一場草泥地混合賽事，當中只得四匹大熱門馬順利取勝，但贏頭場新馬賽的「華美之星」只得1.4倍，韋達坐騎「享耆成」亦不足2倍，若然每場均買大熱門獨贏，埋單計數便要輸少少離場。

　　不過，其實季內不時出現全日只得一兩場大熱贏馬的情況，而八場谷草大熱全輸的例子亦曾出現，可見馬迷如專揀大熱門馬買獨贏，似乎不是精明的賭馬之道。

金剛驃剛戰配韋達倒灶

　　剛戰筆者於賽日版專欄提供「金剛驃」做重心，原以為牠落班跑兼強配韋達是有利因素，但想不到這匹在未港未勝馬，臨場被捧成3.3倍大熱門，結果於五班草地1200米大敗六個馬位跑第八，全程走勢冇段好睇，表現令人失望。

　　資料顯示，梁定華乃今季大熱勝出率最低的馬房，而三月至今此廐先後有十一匹馬被捧成大熱門，最終僅交出一冠兩季的劣績（見表），可見「金剛驃」之敗是有「績」可尋。雖然今季只餘下兩個賽日，但若然又有華廐馬被捧成大熱，投X獨贏時還是避之則吉，方為上策。　

歐陽志恆