洪禮賢講馬：呢個App值得推薦

猪拉多纳

　　隨便喺網上搜尋器search「智能手機」，會彈出好多唔同嘅文章，睇幾年都未睇得完。比較關乎醫學上問題，譬如玩手機或會令頸部勞損，導致肩頸痠痛，容易疲倦等。情況嚴重的話，患者手腕腫痛，亦可能無法入睡，導致慢性頭痛。實際病情係咪會咁？我唔係讀醫，真係唔知道？！

　　又例如，玩智能手機隨時會患「上癮症候群」，每日唔捽吓部手機總會茶飯不思，食唔安瞓唔落。偶爾仲會出現幻聽，明明冇人來電，但硬係聽到好似有人打嚟。而由於智能手機可連接電郵戶口，用戶亦會keep住幾分鐘就攞個手機出嚟，check吓有冇新mail（其實原來早已設定有新mail就會響震）。總之，得閒唔同手機面對面，若有所失吧。上述兩件事有冇實質根據？好難一口咬定，但有樣嘢可肯定，適可而止咁用部手機，真係好方便生活。

　　講開智能手機， 一定會扯埋apps 嚟講，近日下載咗個「TD Stock-電訊港股」app，值得與眾分享。app內嘅股票、足球資訊， 要有嘅都有， 而令筆者醉心係咁「捽」，當然係裡面嘅賽馬資訊。馬匹資料鋪排井然，亦好齊全，甚麼賽駒賠率、往績、派彩等，唔使講梗係應有盡有！更重要之處，係可睇埋馬匹臨場落飛金額及百分比，如果想追蹤大戶嘅馬友，一定覺得有好使好用， 如有空，app吓吧。