山神焗踢守細波

猪拉多纳

05/07/2011
文： 蘇豪

日職周中又有兩場賽事，山形山神主場對浦和紅鑽，山神聯賽14戰入10球，拍住包尾大幡福岡黃蜂並列進攻榜榜尾，鋒力極弱。紅鑽今季表現長期唔掂，作客仲未贏過，而且入球數字頗低，今場捧細啦！（周三晚6時開賽）




山形山神限米煮限飯，慣用穩守突擊戰術，但由於畀人睇通晒，所以今季戰績麻麻。山神火力疲弱，聯賽平均每場入唔到一球，主場7戰入4球，其中5場交白卷，四大射手古橋達彌、長谷川悠、北村知隆同大久保哲哉加埋只入4球，前面入唔到波，惟有死守搶分囉。


紅鑽作客未開齋


浦和紅鑽情況唔好得幾多，大軍聯賽14戰贏2場，作客6戰3和3負未贏過，其中3場冇士哥，成績超曳。紅鑽王牌前鋒艾美臣離隊後，大軍頓失進攻重心，小將原口元氣今季已入5球，表現不俗，不過，此子經驗尚淺，於前線難擔大旗，球隊仍然需時重組鋒線。




翻查往績，計同聯賽及盃賽，山神近4次對紅鑽取得2勝1和1負，4場賽事全部開細，結合山神今季聯賽主場7戰6細數據，1.6倍細盤屬投X首選。