德國打亂章難o趙法國

猪拉多纳

05/07/2011
文： 麥馬拿仁

女子世界盃A組分組賽重頭戲，德國女足主場鬥法國女足。德國雖兩戰兩勝，但演出冇說服力，上戰贏尼日利亞組織奇差，老將佩蓮絲冇晒威力，贏波真係要還神。法國四平八穩，小組兩戰一球不失，信心仲強過主隊，受讓捧「讓球客勝」！（有線61台周三凌晨2時45分直播）




德國身為衞冕球隊，仲要係主辦國，之前熱身賽賽績亦勁靚，被捧為大熱好合理。首戰「女日耳曼兵團」鬥加拿大，上半場亦打出水準，地波、高波瓣瓣有，但最後僅小勝二比一，咁就打擊了球隊信心。去到次仗對弱旅尼日利亞，德國演出令人大失所望，進攻雜亂無章唔入肉，球員攞個波都攞唔掂，最後僅靠門前混戰入一粒贏波。「德國轟炸機」佩蓮絲已經三十三歲，轉身慢晒之餘仲失去射門觸覺，如果領隊妮特繼續搵佢打正選，而將好波之人阿歷珊大樸普擺喺後備席，德國危矣！


楓葉國尼日利亞「大」解放


法國經過首戰熱身後，上仗對加拿大攻守發揮出色，最終以四球大勝。由於兩軍已獲出線權，法國今仗只要和波就首名晉級，球員心理壓力唔大，只要保持水平可以達標。




另一仗加拿大女足對尼日利亞女足，兩軍已經出局，可以放開懷抱享受比賽，大盤係投X首選，論波加拿大較佳，主勝好路。