賠率有路捉：威水福星隔晚P飛勁

猪拉多纳

　　噚日睇飛，見到第一場有隻馬個P竟然成為大熱門，不禁譁然，嗰匹馬就係「威水福星」。事關佢今季跑咗八場，當中有六場係99倍，上仗增程至1800米，終於有捧場客理佢，最後賠率被捧至16倍，結果跑得第八。但係今次隔晚投X者不單冇縮沙，反而落得更狠，此駒W一度捧至7.8倍，P飛仲誇張，得番1.5倍。唔通睇中黃汝安下季唔玩，實行喺谷草煞科賽贏番場留為紀念？

　　其實此駒上次增程，已展現咗前速，返嚟只係因氣量不足，先輸三個幾馬位畀頭馬，今次縮程非常合理，如果交得番速度，唔好話跑入位置，放到掄元都得，有飛當然要試。

白德民有票

　　騎師王方面，白德民騎五場都係得5.5倍，或者同佢有「活力至寶」及「紅旗勇將」喺手有關，不妨捧佢。

周仲